საქართველოს საელჩოს ორგანიზებითა და თბილისის მოზარდთა საგანმანათლებლო-შემოქმედებითი ცენტრის „IQ აკადემიის“ წარმომადგენლების მონაწილეობით ბუდაპეშტში ორი ღონისძიება გაიმართა
8 ნოემბერს, საქართველოს საელჩოს ორგანიზებითა და თბილისის მოზარდთა საგანმანათლებლო-შემოქმედებითი ცენტრის „IQ აკადემიის“ წარმომადგენლების მონაწილეობით ბუდაპეშტში ორი ღონისძიება გაიმართა: ბუდაპეშტის ბრიტანულ საერთაშორისო სკოლაში გამართულ კონცერტზე „IQ აკადემიის“ აღსაზრდელებმა შეასრულეს ქართული და უცხოური პოპულარული სიმღერები. ჩატარდა აკადემიის მოსწავლეების მიერ შესრულებული ნახატებისა და კალიგრაფიული ნამუშევრების გამოფენა. ღონისძიებას დაესწრნენ ბრიტანული სკოლის მოსწავლეები და პედაგოგები, რომლებმაც ქართველი სტუმრები მხურვალე აპლოდისმენტებით დააჯილდოვეს. ამავე დღეს ბუდაპეშტის ეოტვოშ ლორანდის უნივერსიტეტში (ELTE) გაიმართა „ქართული კალიგრაფიული ხელოვნების მასტერკლასი - თხუთმეტსაუკუნოვანი ისტორია, ტრადიცია და თანამედროვეობა,” რომლის ფარგლებშიც ჩატარდა ლექცია ქართული დამწერლობისა და კალიგრაფიული ხელოვნების შესახებ, წარმოდგენილ იქნა კალიგრაფიული შოუ - კალმით, მელნით და ღვინით წერის ხელოვნება და მოეწყო კალიგრაფიის მასტერკლასი დამსწრე საზოგადოების მონაწილეობით; ღონისძიების ფარგლებში ჩატარდა „IQ აკადემიის“ მოსწავლეთა მიერ შექმნილი კალიგრაფიული და ფერწერული ნამუშევრების გამოფენა. ღონისძიებამ დამსწრე საზოგადოების დიდი ინტერესი და მოწონება დაიმსახურა.
