საქართველოს საგანგებო და სრულუფლებიანმა ელჩმა თამარ ლილუაშვილმა ქართული კულინარიის მასტერკლასზე უმასპინძლა

დღეს, საქართველოს საგანგებო და სრულუფლებიანმა ელჩმა თამარ ლილუაშვილმა ქართული კულინარიის მასტერკლასზე უმასპინძლა ბუდაპეშტის ბრიტანული სკოლის მშობლებისა და მასწავლებლების ასოციაციის წევრებს. საქართველოს ელჩმა და ბუდაპეშტში მოქმედი ქართული რესტორნის შეფ-მზარეულმა იაკობ კეკელიძემ სტუმრებს ქართული სამზარეულოს ძირითადი კერძების მომზადების თავისებურებები და საიდუმლოებები გაუზიარეს. საელჩო მადლობას უხდის ყველა სტუმარს მონაწილეობისა და საკუთარი ხაჭაპურის გამოცხობის მცდელობისათვის.