ბუდაპეშტში "ქართული ღვინის საღამოები" გაიმართა.

23 და 24 იანვარს, უნგრეთში საქართველოს საელჩოსა და უნგრეთის ღვინის ინსტიტუტის თანამშრომლობით ღონისძიება - "ქართული ღვინის საღამოები" გაიმართა. 

უნგრეთში საქართველოს საგანგებო და სრულუფლებიანმა ელჩმა თამუნა ლილუაშვილმა მოწვეულ სტუმრებს საქართველოს ისტორიის, კულტურისა და ღვინის დაყენების უნიკალური ტრადიციის შესახებ პრეზენტაცია წარუდგინა. მოწვეულ სტუმრებს ქართული სამზარეულოს და საქართველოს სხვადასხვა რეგიონის ღვინის დაგემოვნების შესაძლებლობა ჰქონდათ. "ქართული ღვინის საღამოებზე" წარმოდგენილი იყო ღვინის რვა კომპანია: “დაქიშვილი”, “ეთნო”, “ჩელთი”, “შატო მუხრანი”, “მილდიანი”, “ხარება”, “მარანი”,თბილვინო”.